كورس

ورك شوپه‌ك هاته‌ رێكئێخستن ژلایێ ده‌سته‌یا ڤه‌كولینێ و كومكرنا گروڤان و چاره‌سه‌ریێ بو مه‌شقدانا تێمێ ده‌سته‌یا ڤه‌كولینێ (CIGE) ئه‌وا پێك دهێت ژ كادرێ یاسایى و ده‌رونى و جڤاكى كو هاتینه‌ راسپاردن بو ئه‌نجامدانا پروژێ پالپشتیا زیان ڤێ كه‌فتیا ئه‌و كچێن هاتینه‌ رزكاركرن ژ ده‌ستێن رێكخراوا داعش ڤه‌ .
به‌حس و ڤه‌كولین هاتنه‌ كرن ل سه‌ر چاوانیا دان وستاندن دگه‌ل كجێن رزكاربوى ژ ده‌ستێن رێكخراوا داعشێ ڤه‌ ل سه‌ر پشكداریا وان د پروژێ راوێژكاریا ناڤه‌روكا یاسایا قه‌ره‌بوكرنا ئه‌و كچێن هاتینه‌ رزكاركرن ژ ده‌ستێن رێكخراوا داعش ڤه‌ و چاوانیا داخازا مافێ خو یێ ره‌وان ژ چهێن به‌رپرس بكه‌ن و بهێته‌ داناندن د ره‌ش نڤیسا یاسایى دا .
و ورك شوب بو ماوێ شه‌ش روژا ڤه‌كێشا ل هولا كومبونا ل ده‌سته‌یا ڤه‌كولینێ هه‌ر وه‌سا ب به‌رهه‌ڤكرنا شاره‌زایه‌ك و راهێنه‌ره‌كێ نیڤده‌ولتى یێ تایبه‌ت ب بابه‌تى ڤه‌ ژبو مه‌شقدانا تیمى به‌رى په‌یوه‌ندیێ بكه‌ن ب كجێن رزكایبوى ژ ده‌ستێن رێكخراوا داعش ڤه‌ .
هه‌ژى كوتنێ یه‌ ناڤه‌روكا پروژێ یاسا یا قه‌ره‌بوكرنا زیان ڤێ كه‌فتیا ژ كچێن رزگاربوین یا هاتیه‌ ره‌وانه‌كرن ژلایێ سه‌روكاتیا كومارا عیراقێ بو ئه‌نجومه‌نێ نوینه‌ره‌ان و یا لبن ڤه‌كولینێ دا و بوزانین هنده‌ك به‌ندێن ناڤه‌روكا یاسایى دلگرانیه‌ك په‌یداكریه‌ ل ده‌ف هنده‌ك كجێن رزگاربویا ل سه‌ر نه‌ په‌شداریكرنا وان د پروگرامێ یاسایا قه‌ره‌بوكرنێ دا و گه‌هاندنا داخازیێن وان ێت ره‌وان بو ئه‌نجومه‌نێ نوینه‌ران .