رێو ره‌سمێن ئاگه‌هداریا ڤه‌كرنا گورێن كوم ل شنگالێ

ده‌سته‌یا ڤه‌كولینێ و كومكرنا گروڤان (CIGE) پشكدارى د گه‌ل شاندێ حكومه‌تا هه‌رێما كوردستانێ كر , سبێدا روژا ئه‌ینى رێكه‌فتى 15/3/2019 , ل رێو ره‌سمێ هاتیه‌ ئه‌نجامدان ل گوندێ كوجو ل شنگالێ ژبو ئاگه‌هداریا ڤه‌كرنا گورێن كوم ل شنگالێ , و نوینه‌رێ حكومه‌تا هه‌رێما كوردستانێ هێژا برڤان حمدى بریكارێ وه‌زاه‌تا شه‌هیدو ئه‌نفالا په‌یڤا حكومه‌تا هه‌رێما كوردستانێ كوت تێدا باسى رولێ حوكومه‌تا هه‌رێمێ كر ژبو پشته‌ڤانیا ئاوارێن ده‌ڤه‌را شنگالێ و ده‌سڤه‌ئینانا دادوه‌ریێ بو زیان ڤێكه‌فتێن ده‌ڤه‌را شنگالێ , هه‌ر ژ ده‌سپێكا دانانا لژنا بلند ژلایێ حكومه‌تا هه‌رێمێ یا ده‌نه‌ناسینا تاوانێن جینوسایدێ و ده‌سته‌یا ڤه‌كولینێ و كومكرنا گروڤان (CIGE) و نڤێسینگه‌ها ئازادكرنا ره‌ڤاندیا, هه‌ر وه‌سا باسێ بێشكێشكرنا هاریكاری و چاره‌سه‌رێن ده‌رونى ژلایێ ده‌زكاێن حكومه‌تا هه‌رێمى بو زیان ڤێكه‌فتییا,
و ل دوماهیێ ئاماژه‌ دا وى كارێ حكومه‌تا هه‌رێمى بێ رابوى ب تایبه‌ت ل سه‌ر دوسێیا بێ سه‌رو شینا و گورێن كوم ل شنگالێ و هه‌ماهه‌نگیا دگه‌ل به‌غدا د چاوانیا بێكڤه‌ كاركرن ل سه‌ر گورێن ب كوم .