ده‌سته‌یا ڤه‌كولینێ و كومكرنا گروڤان

كورتیه‌ك لسه‌ر ده‌سته‌یا ڤه‌كولینێ
ده‌سته‌یا ڤه‌كولینێ و كومكرنا گروڤا و چاره‌سه‌ریێ ده‌ست بكارێن خو كریه‌ ل رێكه‌فتى 1/9/2014 پشتى رویدانێن ل ته‌باخا سالا 2014ێ ل ده‌ڤه‌را شنگال و ده‌شتا نه‌ینه‌وا ب سه‌رێ خه‌لكێ وان ده‌ڤه‌ران هاتین لسه‌ر ده‌ستێ رێكخراوا تیرورستى یا داعش و ده‌سته‌یا ڤه‌كولینێ هاتیه‌ دامه‌زراندن ب بریارا جڤاتا وه‌زیرێن هه‌رێما كوردستاننا عیراقێ پشتى كو بریار دایى لیژنا بلند یا دانه‌نیاسینا جینوسایدا وان تاوان بهێته‌ دامه‌زراندن ئه‌وێن ب سه‌رێ وه‌لاتیێن كوردستانى ل ده‌رڤه‌یى ئیدارا هه‌رێمێ هاتین ژلایێ رێكخراوا تیرورستى یا داعش ڤه‌. ده‌سته‌یا ڤه‌كولینێ و كومكرنا گروڤا و چاره‌سه‌ریێ ژلایێ لیژنا بلندا دانه‌نیاسینا جینوسایدێ ڤه‌ هاتیه‌ دامه‌زراندن.

پێناسه‌یا ده‌سته‌یا ڤه‌كولینێ
ده‌سته‌یا ڤه‌كولینێ و كومكرنا گروڤا و چاره‌سه‌ریێ ده‌سته‌یه‌كا حكومى فه‌رمى یه‌ سه‌ر ب لیژنا بلندا دانه‌نیاسینا جینوسایدێ یه‌ و هاتیه‌ دامه‌رزاندن ژلایێ جڤاتا وه‌زیرێن هه‌رێما كوردستانێ ڤه‌ ل ته‌باخا سالا 2014ێ، ده‌سته‌یا ڤه‌كولینێ ده‌ست بكارێن خو و ئه‌ركێن خو كرى یه‌ دگه‌ل هه‌مى وه‌زاره‌ت و لایه‌نێن په‌یوه‌ندیدار ل حكومه‌تا هه‌رێما كوردستانێ ژبو پێناسه‌كرنا وان تاوانێن ب سه‌رێ وه‌لاتیێن كوردستانێ و پێكهاتێن ئاینى و نه‌ته‌وه‌یى هاتین ل ده‌ڤه‌رێن كوردستانى یێن دره‌ڤه‌ى ئیدارا هه‌رێمێ وه‌ك تاوانێن كوم كوژى ئانكو جینوساید.