په‌یكه‌رێ كارگێرى

په‌یكه‌رێ كارگێرى


هه‌یكه‌لێ كارگێرى یێ ده‌سته‌یا ڤه‌كولینێ
به‌شێن ده‌سته‌یا ڤه‌كولینێ بڤى ره‌نگى نه‌:
ـ دادوه‌رێ ڤه‌كولینێ
ـ نڤیسینگه‌ها داواكارێ گشتى
ـ به‌شێ ڤه‌كولینا جڤاكى و پشته‌ڤانیا ده‌رونى
ـ به‌شێ تاوان لێكرى و دیده‌ڤانان
ـ به‌شێ كارگێرى
ـ به‌شێ پێزانینێن گشتى و دیكومێنتكرنێ

دادوه‌رێ ڤه‌كولینێ: سه‌رپه‌رشتیا برێڤه‌چونا پێرابونێن ڤه‌كولینێ و كومكرنا گروڤا و چاره‌سه‌ریا ده‌رونى و ڤه‌كولینا جڤاكى دكه‌ت ئه‌وا ژلایێ ڤه‌كوله‌رێن دادوه‌رى و ڤه‌كوله‌رێن پولیسى و هژماره‌كا ڤه‌كوله‌رێن جڤاكى و ده‌رونى ڤه‌ ل ئاڤاهیێ ده‌سته‌یێ دهێته‌ ئه‌نجامدان.
نڤیسینگه‌ها داواكارێ گشتى: چاڤدێریا برێڤه‌چونا پێرابونێن ڤه‌كولینێ و كومكرنا گروڤا دكه‌ت تا چ راده‌ د گونجایى نه‌ دگه‌ل یاسایێ.
به‌شێ ڤه‌كولینا جڤاكى و پشته‌ڤانیا ده‌رونى: ئه‌ڤ به‌شه‌ پێك دهێت ژ هژماره‌كا تایبه‌تمه‌ندان دبیاڤێ جڤاكى و پشته‌ڤانیا ده‌رونى دا و ژلایێ شاره‌زایێ جڤاكى ڤه‌ دهێنه‌ سه‌رپه‌رشتیكرن و كارمه‌ندێن ڤى به‌شى هاریكار و پشته‌ڤانن بو تاوان لێكریان و كه‌س و كارێن وان ئه‌وێن توشى ئێشان و ئه‌شكه‌نجه‌دان و زیانێن ده‌رونى و جڤاكى بوین د وان تاوانان دا ئه‌وێن تیرورستێن داعش ئه‌نجام داین و روینشتنێن تایبه‌ت دگه‌ل تاوان لێكریان دهێنه‌ ئه‌نجامدان پێخه‌مه‌ت به‌رهه‌ڤكرنا راپورته‌كێ لسه‌ر شروڤه‌كرنا ره‌وشا وان تاوان لێكریان یا كه‌سایه‌تى و ئایا تا چ راده‌ تاوانان كارتێكرن لسه‌ر وان كرى یه‌ و ب چ رێك دێ چاره‌سه‌رى بو هێته‌كرن هه‌روه‌سا دهێنه‌ ره‌وانه‌كرن بو سه‌نته‌رێ چاره‌سه‌ریا ده‌رونى و تورا پاراستنا جڤاكى ل هه‌رێمێ ب ره‌نگه‌كێ به‌رده‌وام ژبو پشته‌ڤانیكرن و هاریكاریكرنا وان دا كو چاره‌سه‌ریا پێدڤى بو وان تاوان لێكریان بهێته‌كرن.
به‌شێ تاوان لێكرى و دیده‌ڤانان: ئه‌ڤ به‌شه‌ ژ هژماره‌كا ڤه‌كوله‌رێن شاره‌زا پێك دهێت د بیاڤێ ڤه‌كولینا جینائى دا و ئه‌ڤ ڤه‌كوله‌ره‌ برێكا سه‌ره‌ده‌ریكرن و دان و ستاندنێ دگه‌ل تاوان لێكرى و كه‌س و كارێن وان بره‌نگه‌كێ هێمن و رێك و پێك ب كارێ ڤه‌كولینێ رادبن و په‌یوه‌ندیێ ب تاوان لێكریان دكه‌ن دا كو سه‌ره‌دانا ئاڤاهیێ ده‌سته‌یێ بكه‌ن و سكالایێن خو تومار بكه‌ن هه‌روه‌سا ڤه‌كوله‌رێن مه‌ سه‌ره‌دانا جهێن رویدانان دكه‌ن ژبو كومكرنا به‌لگه‌یان و توماركرنا ئیفادێن دیده‌ڤان و مخبران هه‌روه‌سا ده‌مێ ڤه‌كوله‌رێن مه‌ سه‌ره‌دانا تاوان لێكرى و دیده‌ڤان و جهێن رویدانان و گورێن بكوم دكه‌ن هه‌مى پێرباونێن یاسایى و ئێمناهیى ژلایێ لایه‌نێن په‌یوه‌ندیدار ڤه‌ دهێنه‌ وه‌رگرتن ژ پێخه‌مه‌ت پاراستنا كادرێ ڤه‌كولینێ هه‌روه‌سا ئه‌و پێزانین و به‌لگێن دهێنه‌ كومكرن د پروگرامێ مه‌ یێ پێزانینان دا دهێنه‌ پاراستن.
به‌شێ كارگێرى: هه‌مى پێدڤى و پێرابونێن روژانه‌ یێن كاروبارێن ده‌سته‌یێ یێن كارگێرى و ژمێریارى و راگه‌هاندن و په‌یوندیان دهێنه‌ برێڤه‌برن دگه‌ل كاروبارێن كارمه‌ندان و كاردكه‌ین ژبو پتر پێشڤه‌چون و پێشكه‌فتنا كارێ ده‌سته‌یا ڤه‌كولینێ د هه‌مى بیاڤان دا.
به‌شێ پێزانینێن گشتى و دیكومێنتكرنێ: چاڤدێری و سه‌رپه‌شتیكرنا سایتێ فه‌رمى یێ ده‌سته‌یا ڤه‌كولینێ دهێته‌ كرن و سه‌رده‌رى دگه‌ل پێزانین و كار و چالاكیان دهێته‌كرن برێكا پێرابونێن به‌لاڤكرنێ (out reach).