جهێ كارى



ده‌سته‌یا ڤه‌كولینێ و كومكرنا گروڤا و چاره‌سه‌ریێ ب گه‌له‌ك كاران رادبیت بڤى شێوازى:
ـ ده‌سته‌یا ڤه‌كولینێ ب كارێ ڤه‌كولینێ و كومكرنا گروڤا و چاره‌سه‌ریێ رادبیت ل ئاڤاهیێ ده‌سته‌یێ كو دناڤ ده‌سته‌یا ڤه‌كولینێ دا مه‌ نڤیسینگه‌هێن ڤه‌كولینێ و نڤیسنیگه‌ها دادوه‌رێ ڤه‌كولینێ و نڤیسنیگه‌ها داواكارێ گشتى هه‌یه‌ د وى چارچوڤه‌یى دا ڤه‌كولین لسه‌ر سكالایان دهێته‌كرن ئه‌وێن تاوان لێكرى و كه‌س و كارێن وان سه‌ره‌دانا ئاڤاهیێ مه‌ دكه‌ن و داخاز دكه‌ن كو سكالایێن وان تومار بكه‌ین برێكا پێشكێشكرنا داخازیان بو دادوه‌رێ ڤه‌كولینێ ئه‌م ب پێرابونێن ڤه‌كولینێ رادبین لسه‌ر وان تاوانێن داعش دژى وه‌لاتیێن شنگال و ده‌شتا نه‌ینه‌وا ئه‌نجام داین.
ـ ڤه‌كوله‌رێن مه‌ سه‌ره‌دانا جهێ رویدانان دكه‌ن ژبو وه‌رگرتنا پێرابونێن ڤه‌كولینێ یێن پێدڤى وه‌كى ڤه‌دیتنا جهێ تاوانان و كومكرنا به‌لگه‌یان و په‌یوه‌ندى كرن ب دیده‌ڤانو وان كه‌سان یێن كو تاوان گوه لێ بوین د ڤى بیاڤى دا ڤه‌كوله‌رێن مه‌ سه‌ره‌دانا گه‌له‌ك جهان (جهێن تاوانان) كرینه‌ ژبو وه‌رگرتنا پێرباونێن یاسایى یێن پێدڤى و سه‌ره‌ده‌رى دگه‌ل وى جهى كریه‌ وه‌ك جهێ تاوانان چ ئه‌و جهه‌ جهێ گورێن ب كوم بیت یان تاوانه‌كا تاكى بیت هه‌روه‌سا ڤه‌كوله‌رێن مه‌ سه‌ره‌دانا گه‌له‌ك جهان كریه‌ ئه‌وێن ژلایێ تیرورستان ڤه‌ هاتینه‌ ژناڤبرن وه‌كى جهێن دیروكى و ئاینى و جڤاكى و ره‌وشه‌نبیرى و مێژویى یێن پێكهاتێن ئاینى و نه‌ته‌وه‌یى ل ده‌ڤه‌رێن شنگال و ده‌شتا نه‌ینه‌وا.
ـ هه‌روه‌سا ڤه‌كولین و كومكرنا گروڤا دهێته‌ ئه‌نجامدان برێكا سه‌ره‌دانا تیمێن مه‌ یێن ڤه‌كولینێ یێن ده‌مكى بو ناف كه‌مپێن ئاواره‌یان و ده‌ڤه‌را شنگال و هه‌مى جهێن كو تاوان لێكرى لێ د ئاكنجى و دگه‌ل تاوان لێكریان و كه‌س و كارێن وان كوم دبین و هاریكاریا وان دكه‌ین بو پركرنا فورمه‌كا تایبه‌ت یا سكالاكرن و داخازكرنا قه‌ره‌بوكرنێ و ئه‌م پێزانینێن وێ فورمى د پروگرامێ خو یێ پێزانینان دا برێكا تورێن ئه‌نترنێتێ پاراستنێ لسه‌ر دكه‌ین هه‌روه‌سا مفایى ژ وان پێزانینان وه‌ردگرین ژبو دوباره‌ په‌یوه‌ندیكرنێ ب تاوان لێكریان و كه‌س و كارێن وان.